اعمل: اسأل الزبون عن شغله قبل ما تفتح الشاشة، واكتب المشاكل اللي يقولها. في الأغلب بتكون من الست اللي تحت.

قبل ما نوريكم شي، احكولنا: شن النظام اللي تخدموا عليه توا؟ وكيف تتابعوا الصلاحية والديون؟ كل الأرقام اللي بتشوفوها اليوم لشركة افتراضية اسمها «بيت الدواء للتجارة — محاكاة»، مش بيانات حقيقية.

الشاشة: /pharma/

اعمل: وري صافي المبيعات واللي باقي للتحصيل، وبعدها قائمة «يحتاج إلى انتباهك» والدفعات المنتهية.

هذي أول حاجة تشوفها الصبح، من الحوش ولا من المكتب ولا وأنت مسافر. المبيعات والتحصيل والمخزون في شاشة وحدة، والرقم نفسه في كل مكان.

الشاشة: /pharma/sales/center ثم /pharma/approvals

اعمل: وري خطوات المبيعات والتحصيل بالترتيب والعدادات، وبعدها صندوق الاعتمادات.

ما تحتاجش تتصل بكل واحد تسأله وين وصل. كل موظف يشوف شن ينتظره، والمدير يشوف شن ينتظر اعتماده.

الشاشة: /pharma/purchasing/shipments

اعمل: افتح الشحنة IS-V5-00007. وري المراحل من «مخطط» لين «مستلم»، وبعدها «حالة التكلفة»: التكلفة الفعلية أعلى من التقدير بـ 22%، والنظام طالب مراجعة التكلفة.

هني تعرف التكلفة الحقيقية للشحنة بعد الجمارك والشحن والاعتماد، قبل ما تسعّر. ولو التكلفة طلعت أعلى من المتوقع، زمام يوقفك ويطلب مراجعة.

الشاشة: /pharma/products/V5-ITM-003 ثم /pharma/inventory/expiry

اعمل: في صفحة الصنف وري التحذير: 411 وحدة تنتهي خلال 90 يوم. بعدها افتح لوحة الصلاحية: الكميات حسب فئة الانتهاء، والدفعات المنتهية في مخزن الحجر.

ما عادش تدور في الدفاتر. زمام يوريك الدفعات اللي قربت تنتهي باش تبيعها بدري، ويصرف الأقرب انتهاءً أول. والدفعة المنتهية ما تطلعش لزبون أبداً، تطلع بس في حملة إعدام.

الشاشة: /pharma/sales/documents/Sales%20Order/new

اعمل: في وضع التجربة: سوّي أمر بيع جديد، وبعدها فاتورة منه، وبعدها سند قبض. الفاتورة تبان مدفوعة في القائمة.

شفتوا؟ ما فيش تعقيد. المندوب يسوي الطلب، والمحاسب يطلع الفاتورة، والقبض يتسجل. وفي النظام الحقيقي كل أمر بيع يعتمده مدير المبيعات، واللي يتجاوز حد الائتمان يحتاج توقيع المدير المالي.

وضع التجربة ما يحفظش حاجة: كل شي يرجع زي ما كان لما تعمل تحديث للصفحة. الاعتمادات وحدود الائتمان ما تشتغلش في وضع التجربة؛ احكي عليها بس.

الشاشة (الموقع التفاعلي): http://zimam-demo.localhost:8013/pharma/finance/intelligence ثم /pharma/sales/customers

اعمل: قول إنك بتنتقل لنسخة تانية من نفس الشركة الافتراضية، فيها نفس البيانات كمستندات كاملة. وري لوحة الذكاء المالي: الربحية، وأعمار الديون، والسيولة، وتحليل الزباين والأصناف (RFM وABC). بعدها افتح ملف زبون ووري ديونه وحد الائتمان.

التقارير هني مش أرقام وخلاص. تعرف أنهي زبون يكسبك وأنهي واحد قاعد يبطّل، وأنهي صنف يجيب ربح، ومين متأخر في الدفع، من غير ما تجمع حاجة بإيدك.

الموقع التفاعلي فيه بيانات افتراضية كمان، وقول هذا للزبون. ما تعدّلش ولا تحفظ حاجة فيه قدام الزبون: التعديلات تتحفظ فعلاً.

اعمل: لخّص المشاكل اللي قالها الزبون في الأول، وقدامها شن شاف. اعرض الخطوات الأربعة واترك له رابط «زمام في صفحة واحدة».

الخطوة الجاية: تبعتولنا عينة من بياناتكم على الإكسل، ونرجعولكم بخطة تشغيل مكتوبة وعرض سعر.